Kompozitori i madh Ennio Morricone ka mbyllur sytë përgjithmonë në moshën 92-vjeçare.
Ky është një lajm i hidhur për artin dhe muzikën italiane që ka tronditur të gjithë dashamirësit e kësaj fushe në mbarë botën.
Të afërmit e Morricones kanë bërë më dije se kompozitori dhe dirigjenti i orkestrës italiane ka ndërruar jetë në një klinikë në Romë.
Kur përmend emrin e Ennio Morricones, padyshim të vinë ndërmend kolonat zanore të shumë filmave të njohur italianë dhe të kinemasë botërore.
Gjatë karrierës së tij ai mori dy çmime Oscar, një në 2007-ën dhe një në vitin 2016.
Ai klasifikohet si një prej kompozitoreve më të zotë të periudhës së tij. Morricone ka kompozuar muzikën e më shume se 500 filmave dhe serive televizive. Edhe pse vetëm 30 nga këta filma janë të tipit ëestern, janë ata që e bëjnë atë të njohur.
Morricone ka fituar dy cmime Grammy Aëards, dy Golden Globe, pese Anthony Asquith Aëards for Film Music nga BAFTA ne 1979-1992, si dhe The Polar Prize ne 2010.
Por ai nuk është ndalur me kaq, pasi është nominuar gjithsej për 5 Academy Aëardas, për muzikën më të mirë të filmit.
Ndërkohë sipas informacioneve funerali do të zhvillohet në mënyrë private.
Ennio Morricone do të mbahet mend gjatë, si njeriu që i dha jetë shumë kolonave zanore të njohura në memorien e publikut ndërkombëtar.
