“Jetoni jetën tuaj” Florian Binaj ‘shpërthen’ keq, nxjerr rezultatin e testit: Kërkojini llogari vetes, jo të tjerëve

Aktori i njohur i humorit Florian Binaj ishte në rradhën e personazheve të njohur në Shqipëri të cilët u infektuan me COVID19.

Ky ishte një nga lajmet që bëri më shumë bujë muajin që lamë pas.

Faktin që ishte prekur nga koronavirusi, e dha vetë aktori i “Portokallisë” me anë të një postimi në rrjetet sociale.

Ai shtoi se ishte në gjendje të mirë shëndetësore dhe do të karantinohej për dy javë.

Mediat aluduan se Floriani mund ta kishte marrë virusin në Përmet, ku dhe udhëtoi disa ditë para se të infektohej.

Por së fundmi duket se ai ja ka dalë dhe është shëruar plotësisht.

Më 29 qershor aktori ka bërë tamponin e dytë dhe rezultoi negativ, duke iu rikthyer jetës së mëparshme, teksa komentuesit duket se ende e përdorin faktin se ai u infektua.

Ditën e djeshme ai ka shpërndarë disa foto nga jugu i vendit, duke bërë thirrje që shqiptarët të vizitojnë Shqipërinë dhe Kosovën në këto kohë pandemie.

Një komentues i është drejtuar: “Florjan për ty karantina nuk funksionon? Dole pozitiv dhe futja plazhit tani, shpërnda virusin.”.

Mirëpo duket se këto fjalë e kanë acaruar pa masë aktorin, i cili e ka gjetur menjëherë përgjigjen: “Mëso të numërosh dhe do të dalin ditët fiks! Dhe mëso të mos i kërkosh llogari të tjerëve.”

Më vonë ai ka nxjerrë dhe rezultatin e tamponit negativ, duke thënë se nga sot e tutje kujtdo që e pyet a është i infektuar, do i bëjë bllok.