Goditi gjyqtarin gjatë ndeshjes, shoqërohet në komisariat futbollisti

Një ngjarje aspak e hijshme ka ndodhur gjatë ndeshjes Gramshi-Ada.

Futbollisti 29-vjeçar ka goditur dhe fyer gjyqtarin e ndeshjes Besmir Leçaj, pasi nuk ka qenë dakord me ekzekutimin e penalltisë.

Pas këtij veprimi, lojtari është shoqëruar në Komisariatin e Policisë Gramsh.

Njoftimi i policies:

Gramsh/ Informacion paraprak

Në stadiumin e qytetit të Gramshit në pjesën e dytë gjatë zhvillimit të ndeshjes ndërmjet ekipeve Gramshi -Ada, futbollisti i skuadrës “Ades”, shtetasi V.P., 29 vjeç, banues në Velipojë, ka goditur dhe fyer gjyqtarin e ndeshjes shtetasin B.L., 32 vjeç, banues në Lezhë, pasi lojtari nuk ka qënë dakortë për ekzekutimin të një penalltie. Lojtari është shoqëruar në Komisariatin e Policisë Gramsh, për veprimet e mëtejshme proceduriale.