LIGJET E BIZNESIT
Deputetet femra të Partisë Socialiste janë mbledhur në qytetin e Vlorës dhe kanë zhvilluar një aktivitet për përfaqësimin gjinor, si vlerë e forcës politike më progresiste.
Ministrja Elisa Spiropali ka shpërndarë disa foto të shkrepura gjatë aktivitetit dhe shkruan se falë vizionit të kryeministrit Rama, PS është sot forca politike ku gratë dhe vajzat janë pjesë e pandarë e progresit, në strukturat drejtuese të Partisë, këshilla bashkiakë, administratë, Parlament dhe qeveri.
“Bashkë, gra dhe burra, nuk do të ndalemi në rrugën e transformimit dhe të zhvillimit, për të mos u kthyer kurrë pas tek ata që qytetet tona i mbajtën peng të politikës së tyre të urrejtjes. Në 2021-shin ne do të fitojmë për Vlorën, për Shqipërinë”, shkruan ndër të tjera Spiropali.
Siç shihet nga fotot që shpërndan vetë ministrja, gratë socialiste pozojnë radhë nga qendra historike e qytetit bregdetar, e cila sipas Spiropalit është investim madhor i mazhorancës socialiste.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
