“Të hënën në punë ose do jetë dita juaj e fundit” Veliaj lëshon ultimatumin për linjat e urbanëve

Kryetari i Bashkisë Tiranë Erion Veliaj ka deklaruar sot se ditën e hënë do të rinisin punën kompanitë e transportit urban.

Ai ka mbajtur një qëndrim të ashpër, pas më shumë se tre muajsh pushim nga ana e këtyre linjave për shkak të situatës së pandemisë COVID19.

“Besoj që shumica e linjave do të dalin të hënën. Ato që nuk do të dalin dhe do guxojnë të vënë në dyshim këtë që jam duke thënë, do ta kenë ditën e fundit që punojnë në Bashkinë e Tiranës si Operator i Transportit Publik”, u shpreh Veliaj.

Gjithashtu ai ka shtuar  se kush nuk përballon dot shërbimin mund të lërë licensën dhe atë përmes garës do ta marrë dikush tjetër.

“Do të habitesha nëse do të kishte nga ata që e vënë në dyshim fjalën time. Megjithatë disa operatorëve u kam thënë, që nëse nuk ju del. Pra nëse, fjala vjen ju nuk ju del rroga si gazetare, atëherë ti nuk del më nesër me mikrofon, sepse thua: ‘Unë me këtë punë nuk realizoj dot të ardhur apo stilin e jetës që kam.’ Kështu që për ata që sinqerisht mund të kenë borxhe, overdrafte, mjafton ta lënë licencën, ne hapim garë dhe e merr dikush tjetër” u shpreh Veliaj për Top Channel.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern