Vetëflijimi i nënës dhe bijave/ Reagojnë Dëshmitarët e Jehovait në Greqi, ja çfarë thonë për ngjarjen e rëndë

Pas ngjarjes që tronditi dje Tiranën, ku nënë e bijë u gjetën të vdekura ndërsa vajza tjetër ishte në gjendje kritike për jetën, ka ardhur dhe reagimi i komunitetit të Dëshmitarëve të Jehovait në Greqi.

Ata e mohojnë kategorikisht që kjo familje që vendosi të vetëflijohej me qëllim ringjalljen, i përket fesë së tyre.

Mediat greke fillimisht shkruajnë se sipas shërbimit mjekoligjor, 30-vjeçarja, Anisa Josifi, studente në universitet, kishte vdekur të paktën 15 muaj, para se të konstatohej ngjarja e rëndë dhe nëna dhe motra e mbanin të mbuluar në krevat, duke pritur “ringjalljen” e saj.

Që në fillim, u përfol për vetëflijimin e dëshmitareve të Jehovait, por organizatat e tyre në Tiranë dhe Athinë mohuan që gratë kishin ndonjë lidhje me bashkësinë e tyre.

“Ne duam t’ju informojmë zyrtarisht se asnjëra prej dy grave që kanë kryer vetëvrasje nuk i përkisnin bashkësisë sonë fetare dhe as nuk kishin ndonjë lidhje me të. Mbi të gjitha, vetëvrasja nuk është për asnjë arsye e justifikuar nga feja e Dëshmitarëve të Jehovait.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mësimet e Biblës bazohen në respektin më të madh të jetës njerëzore dhe askund quhet vetëvrasja, si diçka e bekuar nga Zoti. Është bindja jonë e thellë që Perëndia kurrë nuk do t’i kërkonte askujt që t’i japë fund jetës së tij, sepse jeta është e shenjtë për të!” – thuhet në një deklaratë nga komuniteti Grek i Dëshmitarëve të Jehovait.