LAJM I FUNDIT/ Plagosen me thikë dy vëllezërit në Bulqizë

Një ngjarje e rëndë ka ndodhur mbrëmjen e sotme në qytetin e Bulqizës. Pas një sherri për motive ende të paqarta janë plagosur me thikë dy vëllezër.

Vëllezërit, identitetet e të cilëve ende nuk bëhen me dije janë përkatësisht të moshës 19 dhe 22 vjeç.

Të dy janë duke marrë ndihmën mjekësore në spital dhe janë jashtë rrezikut për jetën.

Njoftimi i Policisë: 

Rreth orës 20.00, në qytetin e Bulqizës, dyshohet se pas një konflikti për motive të dobëta shtetasi E.T., ka plagosur me mjet të mprehtë (thikë) shtetasit D.N., dhe A. N., (vëllezër), të cilët po marrin ndihmë mjekësore në spital dhe ndodhen jashtë rrezikut për jetën.

Pas ngjarjes autori i dyshuar është larguar menjëherë dhe në ndjekje të tij janë vënë forcat e policisë.

Grupi hetimor vijon hetimet për zbardhjen e rrethanave të plota të ngjarjes.