Më në fund Këshilli Politik ka arritur të mbyllë negociatat mesnatën që sapo lamë pas.
Kështu, mësohet se sot do të depozitohet në Kuvend drafti përfundimtar mbi Reformën Zgjedhore.
Ky i fundit është dorëzuar nga Damian Gjiknuri, i cili është njëkohësisht dhe përfaqësues i PS-së në Këshillin Politik dhe bashkëkryetar i Komisionit Parlamentar për reformën zgjedhore.
Amendamenet janë ndryshuar në lidhje me vendimmarrjen e KQZ-së dhe listën e deputetëve. Ndryshimet në Kodin Zgjedhor vijnë pas arritjes së dakordësisë me opozitën.
Po ashtu është përcaktuar mënyra sesi do të mundësohet vota e emigrantëve.
Lista e zgjedhësve që votojnë nga jashtë vendit, përfshin vetëm zgjedhësit me vendbanim jashtë vendit, të cilët deklarojnë vullnetin për të ushtruar të drejtën e votimit, sipas rregullave të dala në zbatim të nenit 24 të këtij ligji.
Ndërsa, kuota gjinore ka mbetur 1 në 3 me refuzim liste.
