Pas operacionit të përbashkët italo-shqiptar ku u arrestuan 37 persona, mes tyre dhe 10 shqiptarë për trafik lëndësh narkotike, ka reaguar dhe ministri i Brendshëm Sandër Lleshaj.
Ai është shprehur me anë të një reagimi në rrjetet sociale se sot iu dha një goditje shumë e fortë krimit të organizuar në të dy brigjet e Adriatikut.
“Në të njëjtën kohë, operacioni provon fuqinë e pafundme kundër të keqes kur institucionet punojnë bashkë si në rrafshin kombëtar ashtu edhe atë ndërkombëtar.
Kjo goditje ishte një test i rëndësishëm për marrëdhënien e re të SPAK me Policinë e Shtetit.
Sot SPAK, Policia e Shtetit dhe autoritetet italiane meritojnë urimet më të mira për suksesin, i cili me siguri do të thellohet më tej në të ardhmen e shpejtë ????”, shkruan ministri.
