LIGJET E BIZNESIT
Një superaksion ka ndodhur së fundmi nga policia italiane.
Këta të fundit, në bashkëpunim me autoritetet shqiptare kanë shkatërruar një bandë trafiku të lëndësh narkotike, duke arrestuar 37 persona.
Mësohet se në pranga kanë rënë shqiptarë dhe italianë.
Sipas mediave italiane gjatë operacionit janë sekuestruar 3 ton e gjysmë drogë, mariuanë e kokainë, e ndarë në doza.
Policia bën me dije se në rast se ky ‘mall’ do të hidhej në treg, kap vlerën e 40 milionë eurove.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Operacioni eshte shtrire ne Foggia, Lecce, Bologna, Roma, Napoli e Catanzaro, ndërkohë që ende nuk dihet identiteti i personave që kanë rënë në pranga.
Në orët e para të mëngjesit të sotëm po realizohet edhe urdhri i sekuestrimit të pasurive të të arrestuare me vlerë deri në 4 milionë euro.
Në orën 12 të paradites së sotme do të mbahet një konferencë e përbashkët shtypi.
Në konferencë do të marrë pjesë Kreu i Antimafias e i Antiterrorizmit Italian Federico Calfiero De Raho, Prokurori Special i Antikorrupsionit e Krimit të Organizuar shqiptar Arben Kraja, Nënkryetari i Eurojust Filippo Spezia, prokurori i Barit Giuseppe Volpe, kreu i Antimafias së Barit Francesco Giannella, si edhe Drejtori i Antimafias Italiane Gjeneral Giuseppe Governale.
