“Duhet të punojë më shumë” Rama kritikon kryebashkiakun e Vlorës, pranon debatin: Unë nuk jam i kënaqur me asnjë

Pas lajmit të aluduar se një debat kishte ndodhur mes tij dhe kryetarit të Bashkisë Vlorë Dritan Leli, kryeministri Edi Rama ka folur rreth kësaj teme.

Ai ka shpjeguar se ka zhvilluar një takim me të në Zvërnec, dhe nuk e mohoi përplasjen por shtoi se ishte një ‘debat konstruktiv për të vënë pikat mbi i’.

Sipas kreut të qeverisë e gjitha ka ndodhur në lidhje me disa biznese që operojnë prej vitesh në zonën e Zvërnecit.

Më tej kryeministri shtoi se kreu i Bashkisë Vlorë duhet të punojë më shumë dhe se nuk është i kënaqur me të pasi kjo gjë nuk i ndodh as me veten.

“Ne kemi pasur një takim, kjo është e vërtetë, është e vërtetë që është bërë dhe në Zvërnec dhe ju e dini që shumë subjekte kanë pasur shqetësime në atë zonë pasi kanë investuar në struktura të lehta për akomodim.

Debati ka ardhur si rezultat i një keqkuptimi dhe është krijuar ideja se ato struktura do të prisheshin dhe nga munguar një komunikim nga bashkia e Vlorës. Kemi pasur një debat dhe kemi vënë pikat mbi I, për gjithçka që mund të kemi për të përmirësuar.

Unë nuk jam i kënaqur me asnjë dhe me as për punën time dhe nga Dritani në këtë rast që duhet të punojë më shumë. Unë kam respekt për të, për shumë çka, por duhet të punojë akoma më shumë”, tha Rama.