Një aksident automobilistik ka ndodhur pasditen e sotme rreth orës 19:50.
Mësohet se në të janë përfshirë një çift nga Tirana.
Sipas burimeve zyrtare, ngjarja ka ndodhur në Mengël në aksin e rrugës kombëtare Librazhd-Elbasan.
Automjeti i çiftit nga Tirana që kthehej pas pushimit të fundjavës në Pogradec është përplasur nga një automjet tjetër që po futej në rrugën kryesore.
Si pasojë e përplasjes, të dy kanë mbetur të plagosur dhe janë transportuar për në spital, jashtë rrezikut për jetën.
Policia dhe grupi hetimor po punojnë për zbardhjen e plotë të rrethanave të aksidentit.