Vijon të jetë shumë e rëndë situata me virusin COVID-19.
Përveç 72 rasteve të reja që rezultuan pozitiv në 24 orët e fundit, janë rritur edhe rastet e personave që kanë humbur jetën.
Sipas ministrisë, dy persona humbën jetën në 24 orët e fundit për shkak të komplikacioneve të shkaktuara nga COVID-19.
“Një 70 vjeçar nga Shkodra dhe një 54 vjeçar nga Tirana, të konfirmuar me Covid19, me disa sëmundje bashkëshoqëruese, kanë ndërruar jetë në spitalin infektiv, megjithë kujdesin e mjekëve dhe terapinë intensive. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve”, thuhet në deklaratë.