Makinat e pastrimit të mbeturinave janë kthyer në një shqetësim për komunitetin, pasi i mbledhin mbeturinat gjatë ditës dhe jo gjatë natës.
Ndërkohë, temeraturat e larta në këto ditë qershori duket se e bëjnë edhe më shqetësues këtë problem.
Është ora 16:00 dhe duket se për punonjësit e bashkisë është orari i duhur për t’i mbledhur.
Por aroma jo e mirë dhe zhurmat e krijuara duket se kanë shqetësuar qytetarët.
Në redaksinë e Fast News Albania ka mbërritur shqetësimi i një banori, në një prej lagjeve të kryeqytetit.
“Përshëndetje stafi, kjo pamje është e patolerueshme në këto ditë të nxehta dhe në situatë pandemie. Shikoni si i mbledhin mbeturinat. Duke i mbledhur mbeturinat tani ditën, ne nuk kalojmë dot nga aroma e keqe”, shprehet qytetari.