Dr.Ranieri Guerra, ndihmës i drejtorit të përgjithshëm të OBSH-së për nismat strategjike ka bërë paralajmërimin e frikshëm për gjithë globin. Guerra është shprehur se nëse kemi një valë të dytë infektimi, miliona njerëz do të humbin jetën.
Ndër të tjera, Guerra tha se viusi është sjellë ashtu siç ishte parashikuar.
”Krahasimi është me Gripin Spanjoll, i cili u soll ashtu si Covid: u zbeh gjatë verës dhe rifilloi ashpër në shtator dhe tetor, duke u bërë shkak për 50 milion vdekje gjatë valës së dytë,” tha Guerra, gjatë një interviste për Rai Tv, në Italli.
“Pandemia po sillet ashtu siç ne kishim supozuar,” shtoi ai.
Komentet e zyrtarit të OBSH vinë në një kohë kur disa vende europiane, dhe kudo në botë, kanë nisur që të lehtësojnë masat shtrënguese të vëna muaj më parë për të limituar përhapjen e virusit.
Zyrtarët e BE pritet që të vendosin se cilat vende do t’i nënshtrohen kufizimeve të udhëtimit pas hapjes së kufijve për udhëtime ndërkombëtare. Pritet që shtetas nga vende si Amerika e Veriut dhe ajo e Jugut të mbeten jashtë listës.
