Keni bërë plane për plazh gjatë fundjavës? Hidhini një sy parashikimit të motit

Lajme të mira për të gjithë ata persona që kanë bërë plane gjatë fundjavës për të frekuentuar plazhin.

Mësohet se do të ketë temperatura të larta dhe diell dhe pë këdo që ka vendosur të nisë pushimet e verës.

Sipas parashikimit të IGJEUM, të shtunën dhe të dielën do të mbizotërojë moti i kthjellët në të gjithë territorin e vendit.

Vranësirat do të jenë kalimtare në zonat malore. Këto vranësira do të shoqërohen me reshje shiu të karakterit lokal në formë shtrëngatash afatshkurtër.

Për tu theksuar është fakti se përvec temperaturave të larta ato do të ndihen akoma dhe më shumë për shkak të lagështirës së lartë në ajër.

Era do të fryjë me drejtim nga kuadrati i veriut me shpejtësi deri në 8m/s.