Presidenti Ilir Meta duket se është zgjuar sot nën tingujt e muzikës.
Ai ka zgjedhur ti ndajë këto emocione me ndjekësit në rrjetet sociale.
Kreu i Shtetit ka postuar edhe një foto me bilbilin e këngës popullore Petrit Lulon, një nga emrat më të njohur në jugun e Shqipërisë.
“Ne dje u çmallëm me Bilbilin e Gjirokastrës, Petrit Lulon. Ai na dhuroi emocione dhe shumë energji pozitive duke na e bërë ditën edhe më të bukur. Ndaj dhe unë të dashur miq po ndaj me ju disa momente nga “Gjirokastra ime”, me urimin që ta nisni mbarë këtë ditë.”, shkruan Meta duke postuar vargjet.
“Sot me zërin tim,
Mblidhen mijëra zëra,
Po the Gjirokastra,
I ke thënë të tëra!
Në rrugët e tua,
Gdhëndur-o me gurë,
Këndova që foshnjë,
Sa u bëra burrë!
Dritë të kam në zëmër,
Dritë të kam te syri,
Ti për mua nëna,
Unë për tyja biri”
