“Ka njerëz që nuk mbështesin as PS, as PD”, Hajdari lë të hapur mundësinë për kandidim me Nismën Thurje

Deputetja e opozitës parlamentare, Rudina Hajdari la të nënkuptohej se mund të kandidonte me Nismën Thurje në zgjedhjet e ardhshme parlamentare. E ftuar në emisionin Në focus, Hajdari u shpreh se një lëvizje do të ishte strategjia e duhur për të thither elektoratin gri.

“Unë do të thoja që më e rëndësishmja është hapja e listave. Kam thënë që do të kandidoj në zgjedhjet e ardhshme dhe nuk e përjashtoj në asnjë rast. Ajo që është më e rëndësishme është të krijojmë një grupim apo mënyrë për t’u futur në ato zgjedhje që të krijojnë një grupim po një mënyrë për të hyrë në zgjedhje që krijojnë shpresë. Ndoshta një lëvizje do të ishte më e duhur për të mbushur vakumin që ekziston në vend. Ka shumë njerëz që nuk mbështetin as PD, as PS,”- tha ajo.

Ndër të tjera, Hajdari tha se tenderi për identifikimin biometric u pa si kusht i panegociushëm.

“Ideja ishte që opozita ka marrë zv.komisionerin në KQZ si kompetencë si person që do të udhëheqë impelementimin e identifikimit biometrik. Ajo që nuk u tha dhe nuk u pa ishte që tenderimi të vinte si pjesë e panegociueshme. Pra të jetë një person apo një kompani që do të zgjidhej nga opozita. Për mua është absurditet dhe nuk isha e interesuar të debatojë mbi këtë temë,”- tha ajo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern