Një veprim i papritur i deputetit të opozitës së re Artur Roshi ngjalli mjaft dyshime.
Ai tërhoqi në një moment të fundit firmën që kërkonte listat e hapura dhe ndërhyrje në Kushtetutë.
Ky gjest shprehu mbështetjen ndaj nismëtarit të opozitës parlamentare Myslym Murrizi.
Ky i fundit ishte i ftuar në programin “Aktualitet”, ku u shpreh se nëse ‘i shërben kryeministrit Edi Rama’.
Murrizi u shpreh se nuk beson se ka njeri që e dyshon këtë.
“Unë them që nuk e mban opozita e re. aleatët tanë, ShBA do të gjenin një zgjidhje tjetër nëse sdo ishim future ne në parlament. Nuk besoj që dyshon njeri (që i shërben Ramës). Ajo që flasim këtu është një cështje morale dhe morali është se ata shqiptarë që besojnë se ne i shërbejmë Ramës, do të thotë që këta njerëz nuk bazohen tek morali njerëzor, morali politik por tek morali që prodhon morali politik i Partisë Demokratike”, tha Roshi.
Ndërsa deputeti Halit Valteri dha disa shembuj që tregojnë përse nuk i shërbejnë Ramës duke e lidhur edhe me Partinë Demokratike.
“Nëse do i shërbenim Edi Ramës, nuk do ndërmerrnim këtë nismë që të kërkonim hapjen e listave, depolitizimin e administratës dhe votimin e emigrantëve. Nëse do i shërbenim Edi Ramës, do ta votonim në rresht atë marrëveshje pazar politik që bëri me Lulzim Bashën. Nëse do i shërbenim Ramës kun ë Këshillin Politik, një organ që nuk është ngritur nga Kuvendi i Shqipërisë, një organ, i cili ul Lulzim Bashën”, u shpreh Valteri ndër të tjera.