Shpërthim i të infektuarve/ Ky është qyteti në Shqipëri me më shumë raste të reja

Ditën e sotme u konfirmuan 78 raste të reja me koronavirus në vendin tonë.

Shifër shqetësuese kjo, ku numrin më të lartë të të prekurve në 24 orët e fundit e mban qarku i Shkodrës, me 14 raste të reja.

Pas tij, vjen Kruja me 13 të infektuar.

Ndërsa përsa i përket Tiranës, aty ka patur 12 raste të reja.

Harta është zgjeruar dhe në Pukë me 6 pozitivë; Delvinë, Gjirokastër, Vlorë dhe Kukës me 4 të infektuar. Ndërsa nga 2 raste janë shënuar në Kamëz, Durrës dhe në Fier. Me nga vetëm 1 rast të ri, por sërish të ngjuruar me të “kuqe” janë Kurbini, Kavaja, Korça, Lushnja, Mirdita dhe Pogradeci.

Numri i të shtruarve në spital ka rënë, ku nga 81 sot marrin mjekim 76 pacientë.

Mësohet se 14 prej tyre janë në terapi intensive ndërsa 2 të intubuar.

Në komunikimin zyrtar, Ministria e Shëndetësisë njoftoi se janë shëruar 33 qytetarë nga COVVID19.

Deri më tani numri i të shëruarve që prej fillimit të pandemisë më shumë se 3 muaj më parë, ka shkuar në 1250 persona.

Ndërsa aktive numërohen 894 raste, shumica prej tyre në qytetet kryesore si Tiranë, Durrës dhe Shkodër.