E rëndë/ Viktima më e re deri tani, ndërron jetë 34-vjeçarja në Spitalin Infektiv

Një lajm i rëndë vjen sot nga Spitali Infektiv.

Mësohet se është shënuar viktima më e re në moshë nga koronavirusi.

Bëhet fjalë për një 34-vjeçare e cila ishte e shtruar aty prej disa ditësh, në gjendje të rëndë dhe e intubuar.

E ndjera përveç COVID19, vuante dhe nga sëmundje të tjera bashkëshoqëruese si: insuficenca renale kronike, diabeti, hipertensioni.

“Një humbje jete ka ndodhur mëngjesin e sotëm. Një 34 vjeçare nga Librazhdi e cila vuante nga insuficenca renale kronike, diabeti, hipertensioni, e konfirmuar me Covid19, e shtruar në shërbimin infektiv prej disa ditësh, në gjendje të rëndë dhe e intubuar, pavarësisht përkujdesjes së mjekëve nuk ka mundur të mbijetojë.”, thuhet në njoftimin e sotëm zyrtar të Ministrisë së Shëndetësisë.