Një koment i fortë vjen së fundmi për ministrin e Brendshëm Sandër Lleshaj dhe atë të Rindërtimit Arben Ahmetaj.
Është gazetari Enkel Demi i cili shprehet se ministri i gjobave Lleshaj shkoi dhe takoi në jug të vendit një 80-vjeçar, ndërkohë që nuk kishte as maskë dhe as doreza.
“Shkoi takoi 80-vjeçarin që i kishin vjedhur shtëpinë, pa respektuar asnjë masë të distancimit social. Po ta kisha bërë unë atë veprim do të kishin nxjerrë te tabela e emolacionit për keq. Por Sandri shkoi e takoi dhe mirë që nuk garanton dot sigurinë e shqiptarëve, por mund t’I çojë edhe koronavirusin”, thekson Demi.
Ai nuk ngurroi të komentonte ministrin Arben Ahmetaj i cili doli me lopatë në dorë në një kantier ndërtimi.
“I veshur me pantallona territal, shkoi dhe mori një lopatë. Këto janë mendjet perverse të një pushteti në krizë, që mund të bëjë gjithçka dhe mendojnë se njerëzit janë budallenj.
Këto thonë bëni si them unë, por jo si bëj unë, ndaj them se këto janë mendjet perverse të këtij pushteti”, deklaroi Demi në programin “Abc e Mëngjesit.”