Pas rritjes së ndjeshme të rasteve të reja me koronavirus në vendin tonë, ka folur dhe mjeku i njohur infeksionist Pëllumb Pipero.
Ai u shpreh se ky fenomen po vjen si pasojë e mungesës së ndërgjegjësimit të njerëzve, për të respektuar masat e sigurisë.
Sipas Piperos, ka vetëm një mënyrë për frenimin e pandemisë, e cila është: Distanca dhe mbajtja e maskës.
“Nuk na shqetëson numri i rasteve pozitive, por rastet e shtuarta ne spital dhe sidomos rastet e rënda. Fakti që numri i rasteve pozitiv po lëviz, do të thotë që jemi në “ngopje të rezervuarit”, por shpresoj se numri do të bjerë. Numri nuk bie nëse nuk kemi kujdes. Është shumë e rëndësishme të mbahen maska dhe dorezat. Nëse duam ta frenojmë pandeminë, duhet doemos maska dhe distanca”, deklaroi Pipero për Abc News.