Dita-ditës po rriten rastet e reja të prekur nga COVID19 në Shqipëri.
Mësohet se njëra prej tyre është dhe një edukatore çerdheje.
Sipas informacioneve, bëhet fjalë për çerdhen nr.11 në Laprakë, Tiranë.
Edukatorja është paraqitur në punë dhe duke iu referuar protokollit të zbatimit për masave për parandalimin e përhapjes së COVID-19, është konstatuar me temperaturë.
Ajo kishte shfaqur shenja prej ditësh, temperaturë dhe dhimbje kockash.
Kjo punonjëse nuk është pranuar në ambientet e punës dhe është karantinuar në banesën e saj, duke mos krijuar kontakt me fëmijët apo me stafin e çerdhes. Pas raportimit të rastit është bërë dhe tamponi, që është konfirmuar pozitiv.
Ndërkohë edhe dy edukatore të po këtij grupi sot nuk kanë shkuar në punë pasi kanë shfaqur shenja të ngjashme me kolegen e tyre.
Drejtoria e Çerdheve dhe Kopshteve është në pritje të vënies në dijeni në mënyrë institucionale nga Operatori i Kujdesit Shëndetësor Vendor i cili bën dhe konstatimin. Gjithashtu do të jetë edhe Inspektoratit Shtetëror Shëndetësor që do të marrë një vendim për ecurinë e procesit, i cili vë në dijeni Drejtorinë e Çerdheve dhe Kopshteve për masat që duhen marrë.