LIGJET E BIZNESIT
Kryeministri Edi Rama ka komentuar lëvizjen politike për të hequr koalicionet, kërkesë kjo e opozitës së re përsa i përket ndryshimeve në Kodin Zgjedhor.
Por pëtë këtë temë, kreu i qeverisë nuk ka ngurruar të marrë një shembull konkret të një deputeti, i cili sipas tij nuk ka votuar as për veten.
“Listat nuk janë tabu dhe për koalicionet mos më bëni të flas. Do t’i kërkoj ndjesë Murrizit se do t’i vjedh një shprehje, por është produkti më domethënës pse koalicionet nuk janë një unitet demokratik. Është një deputet që s’ka votuar për veten e tij, i pari dhe i fundit në historinë e Kuvendit. Ka ardhur si deputet i PD, ka bërë fushatë për mua për PS dhe midis dy kohërave ka kapur një vend si drejtor.”,-tha Rama.
Ende nuk dihet për kë e ka fjalën kryeministri, por dyshohet se personi në fjalë është deputeti Lefter Maliqi, i cili është i vetmi që ka qenë pjesë e PD, më pas bëri fushatë në 2017 për PS dhe u emërua drejtor.
