Deputeti i opozitës së re Halit Valteri ka bërë një deklaratë të fortë nga Kuvendi.
Ai është shprehur se ka shkuar në vendin e ngjarjes ku iu bë atentat prokurorit Arian Ndoja dhe u vra shoferi Andi Maloku.
Sipas tij autorët kanë qenë dy, njëri me dhe tjetri pa kapele.
Gjatë fjalimit Valteri iu drejtua ministrit Sandër Lleshaj.
“Folët për kohën e qeverisë së kaluar, por harruat që në atë qeveri ju keni qenë në një drejtori dhe nuk e di se ju kishit lidhur fijet dhe ishin në pushtet dhe në atë kohë. Folët për drogën në Lazarat, jam shumë dakord që kishte drogë, por më shumë ka pasur në zonën nga ju vini.
Folët për OFL-në, por nuk keni sekuestruar pasuritë e paraardhësit tuaj që duhet ti dërgoni formularin. Duhet të sekuestroni pasuritë e ish-deputetëve që erdhën në Kuvend me votat e popullit dhe ikën me pranga. A keni dërguar policët që të sekuestorjnë kamerat e sigurisë, unë e kam bërë. Kam shkuar në vendin e ngjarjes dhe kam sekuestruar kamerat që shihen autorët e krimin, njëri është me kapele e tjetri është pa kapele”, u shpreh deputeti në sallë.