“Qeveria ka luftuar kr*min si kurrë më parë” Rama në Kuvend: PS forca që i ka dhënë më shumë këtij vendi

Kryeministri Edi Rama ka mbajtur një fjalim në Kuvend përsa i përket luftës së qeverisë së tij ndaj krimit të organizuar.

Ai ka shtuar se kjo punë ka qenë më e mira në të gjithë historinë e vendit dhe PS është forca politike që i ka dhënë më shumë Shqipërisë.

Sipas kreut të qeverisë numri i krimeve në vendin tonë ka rënë, gjatë këtyre 7 vite të qeverisjes së tij, dhe shton se kjo është meritë e socialistëve.

“Partia Socialiste është sulmuar dhe është përbaltur në mënyrë të shfrenuar, dhe e dini se pse, se ka qenë forca që i ka dhënë këtij vendi, qeveri që e kanë zhvilluar luftën me krímin si asnjëherë më parë. Kush e lufton seriozisht krimin, akuzohet pikërisht për punën e tij, kush përballet seriozisht me krímin merr baltë dhe merr goditje, pikërisht si bashkëpunëtor i krímit, kjo ka ndodhur kudo dhe në çdo vend.

Është fakt që Shqipëria sot ka një bilanc pozitiv në luftën ndaj krimit, dhe nuk ka gënjeshtër më të madhe se gjysmë të vërtetat që iu tregohen shqiptarëve çdo ditë. Sigurisht që zerimi i vrasjeve dhe vëllavrasjeve është një përrallë me mbret, pasi nuk ka asnjë vend demokratik që të ketë zeruar numrin e vrasjeve, edhe SHBA-të që e kanë kthyer në art luftën ndaj krímit, nuk i kanë zeruar as vrasjet dhe as kriminelët, dhe as policët e korruptuar”, deklaroi Rama ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern