Rëndohet bilanci/ Ndërron jetë një tjetër pacient me COVID19 në Spitalin Infektiv

Ka shkuar në 39 numri i viktimave nga koronavirusi në Shqipëri.

Mësohet se një tjetër pacient ka humbur jetën në Spitalin Infektiv.

Bëhet fjalë për një pacient 67 vjeç nga Shkodra, i konfirmuar pozitiv me Covid-19, i cili vuante nga insuficienca kardiake dhe disa sëmundje të tjera bashkëshoqëruese.

“Në 24 orët e fundit ka ndërruar jetë një pacient 67 vjeç nga Shkodra i konfirmuar pozitiv me Covid19, i cili vuante nga Insuficienca kardiake dhe disa sëmundje të tjera bashkëshoqëruese. Pas disa ditëve në terapi intensive, i intubuar, 67-vjeçari nuk ka mundur të mbijetojë, pavarësisht përpjekjeve të stafit mjekësor”, bëhet me dije në njoftimin zyrtar të Ministrisë së Shëndetësisë.

Kujtojmë se ditën e sotme u konfirmuan 66 persona si të prekur brenda 24 orëve me koronavirus.