Ekzekutimi i Hekuran Billës/ Identifikohet dhe shoqërohet një i dyshuar, ja roli i tij në ngjarje

Një javë pas atentatit në zonën e “Komunës së Parisit” në Tiranë, ku mbeti i vrarë 40-vjeçari Hekuran Billa, policia ka shoqëruar një tjetër të dyshuar si bashkëpunëtor në ngjarje.

Ai është identifikuar nga kamerat e sigurisë pranë vendit të krimit dhe ka lidhje familjare me Prel Markun, 22 vjeçarin që u vra nga Billa në Angli në vitin 2006.

Sipas dyshimeve të policisë, personi në fjalë ka ndjekur viktimën dhe ka njoftuar autorët për vendndodhjen e tij përpara se ta qëllonin.

Kujtojmë se më herët policia është vënë në kërkim të vëllait të Prel Markut, Viktor Marku, i cili dyshohet se qëlloi Billën për vdekje për shkaqe hakmarrje.