“Më erdhi policia në 7 të mëngjesit”/ Klevis Balliu: Më kërkuan t’i shoqëroja në…

Policia e Tiranës ka shkuar këtë mëngjes në shtëpinë e ish-deputetit demokrat Klevis Balliu.

Balliu bëri me dije se blutë kanë dashur ta shoqërojnë në rajon, në lidhje me arrestimin e tij të dytë në protestën e opozitës. Gjithashtu ai shtoi se Prokuroria duhet t’i kishte dërguar një letër për ta firmosur dhe jo t’i shkonte policia në shtëpi.

“Unë kam me qindra çështje penale që janë fiktive të cilat janë bërë me urdhër të Ramës, për shkak të aksionit të opozitës. Në rastin konkret bëhet fjalë për arrestimin e dytë timin, për të cilin prokuroria sot, ka mbyllur hetimit dhe kërkon që unë të shkoj dhe të firmos.

Kjo është normale, por prokuroria të dërgon një letër, nuk të vjen policia në 7 të mëngjesit duke më thënë që duhet të shkoj të rajoni i policisë, kur unë s’kam punë atje, por duhet të shkoj në prokurori bashkë me avokatin tim, për firmosjen e dokumenteve,” deklaroi Balliu në “Ora News”.