Tre grupet parlametare i kanë çuar Kuvendit një kërkesë për largimin e Rudina Hajdarit si bashkëkryetare e Komisionit për Reformën Zgjedhore. Ata kanë kërkuar zëvendësimin e saj me Myslim Murrizin.
Ata shprehen se Hajdari ka firëmosur një marrëveshje për të cilën ata nuk janë dakord dhe kjo është arsyeja që Hajdari nuk mund të përfaqësojë më opozitën parlamentare.
Tre grupet parlamentare i kanë dërguar Kuvendit një draft për ndryshimet kushtetuese, të cilat përfshijnë listat e hapura dhe sanksionimin e zonave zgjedhore.
Drafti është firmosur nga 29 deputetë, ndërsa Murrizi ka deklaruar se janë edhe deputetë të tjerë që janë dakord por nuk kanë qenë prezent për ta firmosur, mes të cilëve edhe Ralf Gjoni.