Ish-kryebashkiaku socialist i Hasit Adem Lala do të merret nën hetim nga SPAK.
Mësohet se mbi të rëndojnë dyshimet për korrupsion.
Mësohet se Prokuroria e Posaçme e ka thirrur Lalen në datë 18 Qershor për të dhënë deklarime në lidhje me dyshimet e ngritura ndaj tij.
Ish-kryebashkiakut të Hasit pritet ti komunikohet akuza nga Prokurorja Enkeleda Millonai, pasi dyshohet për privatizimin e një ndërtese në Has, procedurë e cila më pas është anulluar. Hetimi ka filluar fillimisht nga prokuroria e Kuksit dhe më pas është trasferuar në SPAK, duke qenë se merret me hetimet për zyrtarët e lartë.
Kujtojmë se Arben Lala do të jetë kryebashkiaku i parë që merret nën hetim nga SPAK që prej krijimit të këtij institucioni të rëndësishëm të drejtësisë.
Ai u zgjodh në krye të Bashkisë Has nën siglën e koalicionit PS-LSI, në zgjedhjet vendore të vitit 2015, por nuk kandidoi më.