Detaje të reja zbulohen në lidhje me sekuestrimin e 2 milionë eurove në portin e Durrësit.
Mësohet se kamioni kishte dalë 4 ditë më parë nga porti.
Kamioni është ndaluar për një kontroll rutinë nga autoritetet e portit dhe kanë konstatuar pako të dyshimta, në pjesë të ndryshmë të trajlerit. Pas kontrollit më të imtësishëm kanë gjetur 5 qese plasmasi me paratë e bllokuara.
Bëhet e ditur se kamioni me targa TR 2046 U transportonte material për prodhimin e këpucëve, për një fasoneri në vend.
Është ndaluar drejtuesi i kamionit, 54-vjeçari, i cili e bënte shpesh rrugën Durrës-Bari dhe anasjelltas. Ai po merret në pyetje për origjinën e parave, që mendohet të jenë afro 2 milionë euro, por vazhdon numërimi i tyre dhe nuk dihet shifra e saktë.