Dvorani s’dorëzohet: Edhe pas shkarkimit nga KLGJ mund të jem sërish në KED

Ardian Dvorani u shkarkua nga Këshilli i Lartë Gjyqësor nga pozicioni i tij si anëtarë i Gjykatës së Lartë.

Pas këtij vendimi, rrjedhimisht ai humbi edhe pozicionin e tij në KED.

Por në një intervistë në TVSH, Dvorani ka deklaruar se ai nuk e ka humbur karrigen e tij në KED nëse vijon karrierën në një gjykatë apeli.

Sipas tij, ai nuk do mund të jetë në krye të KED, por mund të qendrojë si anëtarë i saj deri në fund të vitit.

“Në momentin që anëtari i Gjykatës së Lartë nuk ushtron funksionet në gjykata, nuk është më kryetar i KED-së sepse janë të lidhura. Por nëse anëtari i Gjykatës së Lartë vendos apo zgjedh të vijojë karrierrën në Gjykatë Apeli vazhdon të jetë pjesë e KED-së për atë vit, por jo në cilësinë e kryetarit.

Nëse vazhdoj karrierën gjyqësore. Në ditë e djeshme KLGJ ka barazuar procedurën e plotësimin e vendeve vakante në KED me ato të të Gjykatës Kushtetuese dhe kjo është gabim i rëndë”- tha Dvorani.