“Ju reflektoni”/ Gjiknuri i përgjigjet opozitës parlamentare: I qëndrojmë marrëveshjes me PD e LSI

Bashkëkryetari i Komisionit për Reformën Zgjedhore, Damian Gjiknuri i ka sugjeruar opozitës parlamentare të reflektojë për të mos bllokuar draft-marrëveshjen që u arrit në Këshillin Politik.

Ndër të tjera, Gjiknuri u shpreh se partia e tij nuk i shkel marrëveshjet që bën me forcat e tjera politike, PD dhe LSI.

Ndërsa për çështjen e ndryshimit të sistemit zgjedhor, Gjiknuri tha se u ngrit si diskutim në Këshillin Politik, por nuk gjeti mbështetje.

“Shpresoj që deri në fund të kemi reflektim dhe t’i bëjmë thirrje koshiencës tonë kombëtare. Ne jemi një parti që i qëndrojmë marrëveshjeve, dhe nuk mund të bëhemi palë me shkeljet e marrëveshjeve. Megjithatë ne do të bëjmë çmos që kjo paketë të kalojë, sepse është shumë e rëndësishme. Megjithatë çështja e sistemit zgjedhor mbetet e hapur. Çështja e sistemit zgjedhor u hap si temë në Këshillin Politik por nuk gjeti mbështetje,”u shpreh Gjiknuri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern