Gjykata e Apelit ka shtyrë shërish vendimin për ish-ministrin e Brendshëm Saimir Tahiri.
Seanca e sotme zgjati 6 orë dhe nisi që prej orës 10:00 të mëngjesit.
Data kur do të merret vendimi për Tahirin është 24 qershor.
Ndër të tjera, seanca për Tahirin është shtyrë disa herë, si fillim shkak u bë pandemia, ndërsa seanca e fundit më 28 maj u shty për arsyen se ish-ministri nuk u lajmërua në mënyrën e duhur.
Gjykata e Krimeve të Rënda e shpalli fajtor ish-ministrin e Brendshëm, vetëm për akuzën e “Shpërdorimit të detyrës” dhe u dënua me 3 vite shërbim prove por avokatët e Tahirit e apeluan dhe tashmë çështja i ka kaluar Gjykatës së Posaçme të Apelit.
