Godet ministrat e rinj/ Flet pas 6 orësh seancë Tahiri: Detyrën time e kam bërë më mirë…

Saimir Tahiri ka folur pas përfundimit të seancës maratonë në Gjykatën e Apelit Tiranë.

Seanca që zgjati 6 orë është shtyrë sërish për në datën 24 qershor.

Në një deklaratë për mediat, Tahiri e cilësoi gjyqin e tij si komik dhe nuk la pa “goditur” të emëruarit e rinj të Ramës, nga ministry Xhafaj te Lleshaj.  Ai u shpreh se e ka bërë më mirë detyrën e tij se ata që ishin apo dhe ata që janë.

Reagimi i plotë:

S’e besoj që ia vlen të zgjatem, ne folëm dhe besoj kjo ishte e fundit, tani do flasë gjykata cfarë t’ju them më? Nuk ia vlen të zgjatem. Kursejani dhe njerëzve gjithë këtë historinë komike të gjyqit tim se është bërë qesharake përtej cdo niveli. S’besoj se ka njeri terezi të dëgjojë këto gjëra. Unë nuk kam folur shumë gjatë gjatë kohës që kam qenë i akuzuar dhe në gjyq për të respektuar drejtësinë. Jam i vetmi dhe që kam dhënë mandatin tim të deputetit për të ardhur këtu si qytetar

Se mund të shkoja në parlament të bëja nga një rrëmujë e të rrija sërish aty.

Nuk ka rëndësi në drejtësia do vijë nga gjykata apo kjo drejtësia që besoj unë por jam super i bindur që kam bërë gjënë e duhur. Të jeni të bindur që e kam bërë detyrën më mirë se ata që ishin e ata që janë.

Saimir Tahiri s’ka ikur, kjo historia e politikës, nuk më tundon, siç nuk më tundon nga momenti që ika si deputet.

Do ta pranoj vendimin pa asnjë diskutim. Sa të drejtë do e quaj apo jo, të shoh vendimin e të flas. Unë di raportin tim me të vërtetën dhe të drejtën. Çmimi i jetës sime nuk kalon nga çmimi i karrierës së tyre.