Qëlloi në ajër pasi ishte bërë ‘tapë’, policia arreston të riun që tmerroi fqinjët

Ka rënë në prangat e policisë i riu në qëlloi me armë zjarri në mes të natës në fshatin Gorishovë të Fierit.

Mësohet se ai është identifikuar si shtetasi me iniciale D.A 30 vjeç.

Policia u njoftua për të shtënat e zjarrit nga fqinjët e alarmuar që i dëgjuan.

Ngjarja ndodhi në orët e para të datës 11 qershor.

Për fat të mirë nuk ka të lënduar si pasojë e plumbave, ndërkohë që është sekuestruar arma me të cilën ka gjuájtur dhe efektivët kanë arritur të zbulojnë shkakun e veprimit të 30-vjeçarit.

“Menjëherë, në fshatin Gorishovë, kanë shkuar shërbimet e Policisë, të cilët falë veprimeve të shpejta operacionale bënë të mundur kapjen dhe arrestimin në flagrancë të autorit të dyshuar, shtetasit D. A., 30 vjeç, banues në Gorishovë, i cili dyshohet se ka qenë në gjendje të dehur”, thuhet në njoftimin e policisë.

Armën tip kallashnikov me të cilën qèlloi e kishte fshèhur në pyll. Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme.