Detaje të reja/ Si u infektua në spital pacienti që ndërroi jetë nga COVID19 në Tiranë, preken dhe 4 familjarë

Ditën e sotme numri i viktimave nga koronavirusi në Shqipëri ka shkuar në 35.

Mësohet se një pacient 59-vjecar nga Lushnja ka ndërruar jetë në Spitalin Infektiv.

Ai vuante nga sëmundje të tjera bashkëshoqëruese si diabet, anemi dhe sëmundje renale.

“Mëngjesin e sotëm ka ndërruar jetë në spitalin infektiv një pacient 59 vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë.”, thuhet në njoftimin zyrtar të Ministrisë së Shëndetësisë.

Mirëpo fakti që e rëndon më tepër këtë situatë është që i ndjeri e ka marrë virusin në spital gjatë kohës që ishte i shtruar në Tiranë pasi ishte i rënduar nga diabeti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Për fat të keq edhe 4 persona të familjes tashmë janë të infektuar.

Gjithashtu sipas informacioneve është bërë dhe gjithë dezinfektimi i zonës përreth banesës së tyre në Lushnje.

Ajo që e bën më shqetësuese këtë gjendje është se sa rrezik ka nëse banesa e tyre mund të vizitohet tashmë nga njerëz të tjerë, të cilët janë dukshëm të ekspozuar për të marrë virusin.