E papritur/ Rama pranon kërkesën, takim për “Zgjedhoren” me opozitën parlamentare

Kryeministri Edi Rama do të zhvillojë një takim me opozitën parlamentare, pas kërkesës që i ka bërë kjo e fundit dy ditë më parë.

Takimi do të zhvillohet në orën 19:00 dhe qendra e diskutimeve do të jetë Reforma Zgjedhore dhe dy kushtet e tyre: depolitizimi i administratës zgjedhore dhe listat e hapura.

Në një konferencë për mediat, kryeministri u shpreh se ishte gati për një takim dhe do të diskutonte me ta për të gjetur pikat e përbashkëta, që të arrinte një marrëveshje.

Ndërkohë, takimi me Ramën është kërkuar nga tre kryetarët e grupeve parlamentare, Myslim Murrizi i Partisë Demokratike, Edmond Stojku dhe Nimet Musai, të cilët bënë kërkesë përmes një letre, fill pas takimit me ambasadorët e SHBA, BE dhe OSBE, ku i shprehën qëndrimin e tyre për të mos votuar Reformën Zgjedhore pa u aplikuar listat e hapura.