LIGJET E BIZNESIT
Në konferencën që po mban aktualisht me mediat, kryeministri Edi Rama ka bërë me dije se biznesi i vogël nuk do paguajë as tatim fitim dhe as TVSH.
Sipas kreut të qeverisë kjo nuk është pjesë e fushatës apo programit elektoral të partisë, por do të bëhet zyrtare, me ligj në Parlament.
Kështu, projektligji do të kalojë në Kuvend përpara se ky sesion të mbyllë punimet.
“Do e mbyll duke thënë këtë dhe do ju lutesha të na ndihmonit t’ua përcillnim atyre që sot kanë dalë nga një situatë e vështirë, atyre që janë punëkrijues, njerëzit më shembullorë sipas meje të Shqipërisë që duam ne, që është një vend i vështirë të gjesh punën që do por kush do të jetojë me punë, e krijon punën, biznesi i vogël.
Tani, cfarë do thoshim ne dhe përtej asaj që do thoshim, cfarë do mendonim e, sa shumë e ngatërruar do ishte nëse dje do kishim dalë sic doli Shqipëria, para se ne të merrnim qeverinë, nga një proces eurobondi, me brinjët e ngjitura dhe mushkritë të asfiksuara?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nuk do bënim ato që kemi planifikuar me Shqipërinë 2030.
Në këtë sesion parlamentar do cojmë rishikimin e buxhetit dhe do rishikojmë paketën fiskale për biznesin e vogël duke i hequr tatim fitimin dhe jo për fushatë, jo me fjalë por me ligj dhe jo për këtë vit por deri në vitin 2029. S’do kenë tatim-fitimi dhe ministri ka sqaruar se jemi duke parë edhe TVSH-ë. Me këtë rezultat të djeshëm u them atyre që kanë biznes të vogël, ne do ju heqim edhe TVSH-në, limitin, deri në sa xhiro do e përcaktojmë në vazhdim.
Për disa vite ata mos kenë as tatim-fitimi as TVSH dhe kjo do bëhet me ligj në parlament , jo në fushatë”, deklaroi kryeministri gjatë fjalës së tij.
