Nga nëntori rreth 3 mijë pastërmete, njerëzit kanë ndjerë mbi 1 mijë goditje

Pas tërmetit të fortë, që shkaktoi shumë dëme material dhe viktima në njerëz, më 26 nëntor të vitit të kaluar përjetuam pandeminë e shkaktuar nga koronavirusi.  Por duket se toka ende nuk ka gjetur qetësi. Aktiviteti sizmik duket sikur ka rinisur dhe ka shkaktuar frikë te të gjithë ne.

Sipas përgjegjësit të qendrës së monitorimit, Rexhep Koçi, kemi të bëjmë me një aktivitet pastërmetor dhe pritet të zgjasin rreth 1 vit.

Koçi ka theksuar që pas tërmetit të 26 nëntorit kanë rënë rreth 3000 pastërmete dhe 1100 kanë pasur ndjeshmërinë e tërmetit 4.2 ballë që ndodhi ditën e djeshme.

“Magnituda e tërmetit të djeshëm ishte 4.2 dhe me intensitet rreth 5.5 ballë. Epiqendra ishte në fshatin Kuraten, të njësisë administrative Ishëm, në Durrës. Rreth 6 km në brendësi të tokës, jo në det”, shprehet për TCH, Rexhep Koçi, përgjegjës i qendrës së monitorimit, IGJEUM.

“Doja të theksoja, se kemi të bëjmë me një aktivitet pastërmetor, që pritet të zgjasë rreth 1 vit.
Që nga tërmeti i 26 nëntorit ka patur rreth 3000 pastërmete, por rreth 1100 kanë qenë me atë ndjeshmëri, si ai dje.

Dje na erdhën në sallë shumë telefonata nga njerëz të thjeshtë dhe media. Kjo pasi njerëzit janë shumë në ankth, nga tërmeti, epidemia dhe sërish tërmeti. Por ne u themi sot, që nuk ka vend për panik”, shton ai më tej.