“Nuk e vura re, mu duk sikur plasi goma” Flet zjarrfikësi që u plagos pas atentatit ndaj Çapjas në Elbasan

Ditën e sotme pas atentatit që iu bë Ardian Çapjas në Elbasan, ka mbetur i plagosur dhe një zjarrfikës.

Kjo ndodhi pasi ky i fundit ka shkuar për të shuar zjarrin që autorët kishin vënë në makinën që përdorën për të realizuar atentatin.

Mësohet se brenda kishte fishekë, të cilët kanë shpërthyer nga flakët.

Për pasojë 38-vjeçari Dashamir Muhaxhiri me profesion zjarrëfikës, është plagosur në këmbë.

“Ngjarja ka ndodhur me njoftimin e zjarrit. Vajtëm se na u tha  që po digjesh një makinë. Vajtëm në vendngjarje duke bërë procedurat tona, fiket makina dhe aty ndodhi një shpërthim. Nuk e vura re, më pas pasi u fik makina, nuk e di për çfarë dhe se çfarë shpërthimi ishte. Mendova ndonjë gomë dhe më pas pashë që ishte një ashkël llamarine në këmbë”, ka thënë ai në një prononcim për Abc Neës.