Kryeministri Edi Rama zbuloi dje se biznesit të vogël do t’i hiqet tatim-fitimi deri në vitin 2029. Të gjithë bizneset që kanë 140 milionë lekë të vjetra xhiro vjetore do të paguajnë zero tatim-fitim.
Të njëjtin fakt e bëri me dije , ditën e sotme, ministri për Rindërtimin, Arben Ahmetaj, në një konferencë për mediat.
Ahmetaj theksoi se bëhet fjalë për avancimin e planit kombëtar 2030.
Deklarata e Arben Ahmetaj:
Jam këtu sot për të komunikuar me qytetarëve avancimin e planit kombëtar 2030. Ky plan do të jetë i detajuar, me reforma konkrete dhe me projekte konkret dhe me kalendarizim, muaj pas muaj e vit pas viti. Brenda planit kombëtar 2030, siç e ka konfirmuar dhe kryeministri Edi Rama, do të ketë një masë të rëndësishme për shumicën e shqiptarëve që punojnë në sektorin privat. Për shqiptarët që punojnë në biznesin e vogël. Kryeministri dje ka komunikuar iniciativën për çlirimin nga taskat per te gjithe biznesin e vogël deri në xhiron 14 milionë lekë. Zero tatime. Zerimi i tatimit mund te shoqerohet me heqje te vleres se tatimit te shtuar.