LIGJET E BIZNESIT
Kryeministri Rama deklaroi në një lidhje direkte në emisionin Opinion se mazhoranca është e hapur për të diskutuar ndryshimin e sistemit zgjedhor por pas përmirësimit të Kodit Zgjedhor me rekomandimet e ODIHR-it.
Kryeministri tha se nuk ka sistem të keq ose të mirë dhe se listat, si të hapura, si të mbyllura nuk i heqin fjalën e fundit kryetarit të partisë. Rama shtoi gjithashtu se nuk duhet të çuditemi nëse pas miratimit të ndryshimeve të Kodit Zgjedhor të kemi edhe ndryshime në sistemin zgjedhor.
“Ne jemi gati ta diskutojmë sistemin por është proces me dy shkallë. I pari është detyrimi i përbashkët i të gjithëve për rregullat e lojës dhe në raport me ecurinë e zgjedhjeve dhe në raport me ndërkombëtarët që të përmirësojmë kodin me rekomandimet. Pasi të bëjmë këtë mund të diskutojmë edhe sistemin. Unë mendoj se nuk ka sistem të keq, të gjitha sistemet e aprovuara dhe të certifikuara si sisteme zgjedhjesh demokratike është demokratik. Çdo sistem ka natyrën dhe produktin e vet.
Ata që flasin për listat e hapura si një mundësi që të transformohet përmbajtja e burimeve njerëzore, gabojnë. Ata që mendojnë se listat e hapura i heqin kryetarëve atë që është përgjegjësia për të thënë fjalën e fundit për skuadrën, gabojnë. Listat si të hapura si të mbyllura në fund i miraton kryetari. Në listën e mbyllur janë 20 veta nga të cilët 12 do të fitojnë ndërsa në listat e hapura të gjithë kanë mundësi të barabartë por janë si 12 si 20 i cakton kryetari i partisë.
Unë kam thënë hajde të ulemi të bëjmë kodin si detyrim ndaj qytetarëve dhe për sistemin të flasim por mos u çudisni fare që kjo gjë mund të ndodhi, pra jo vetëm të flasim po edhe të bëjmë ndonjë gjë.”. deklaroi kryeministri Rama. /Opinion.al/
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
