Protesta kundër abuzimit me të mitur, Aurela Gaçe: Fatkeqësi që në Shqipëri fajësohet viktima

Këngëtarja, Aurela Gaçe ka qenë një nga personazhet e njohur që kanë marrë pjesë në protestën e zhvilluar kundër abuzimit me të mitur.

Gaçe tha se është në protest për të gjithë ata fëmijë, djem e vajza që janë abuzuar seksualisht dhe nuk kanë mundur të flasin, ndërkohë që duhet të ndihen të mbrojtur për ta bërë atë gjë.

Ndër të tjera, ajo shtoi se është për të ardhur keq fakti që në Shqipëri fajzohet viktima dhe jo fajtori. Kjo është edhe arsyeja që shumë fëmijë preferojnë të heshtin.

Deklarata e plotë:

Jam në protestë për shumë vajza, për shumë djem që mbase nuk kanë folur kurrë që janë dhunuar. Jam këtu për t’i kërkuar shtetit tim që të vendosë një ligj të fortë. Duhet ta di që nëse flas, jam i mbrojtur. Nëse gratë, vajzat e dhunuara kanë frikë të flasin është edhe fakti që nuk dinë ku të flasin. Një njeri të sëmurë është pak ta mbyllësh në burg për 2 vjet. Është për të ardhur keq që fajësojmë viktimën. Si mund të thuash donte vetë?? Kjo është absurde. Jam këtu për të thënë që jam një qytetare e këtij vendi. Nuk po them që cdo prind duhet të kalojë në vetëgjyqësi. Jam këtu që shteti të vendosë ligje më të forta, këta njerëz duhet të dënohen rëndë që të kenë frikë, të mendohen mirë këta njerëz para se të ngacmonin fëmijët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern