LIGJET E BIZNESIT
Pas taksës që u vendos nga kryeministri në detyrë Albin Kurti, ku për mjetet që do të hyjnë në kufirin e Kosovës do të paguanin 17-22 euro për dezinfektim, por që më pas u hoq, ka reaguar Presidenti Hashim Thaçi.
Ndërkaq, në një postim në Facebook, ai e konsideron një absurditet pasi Kurti i heq taksën Serbisë dhe ia vë Shqipërisë.
Midis të tjerave, Thaçi shprehet se Kurti është predikuesi i bashkimit kombëtar dhe këto veprime janë shqelmat e fundit nga zyra e uzurpuar.
Postimi i plotë:
Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës. Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19. Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.
Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar!
