Ish-kryebashkiaku i Vorës nën akuzë/ Shtyhet seanca e gjyqit, ja arsyeja

Ditën e sotme Gjykata e Tiranës ka vendosur të shtyjë për në datën 4 qershor seancën ndaj ish-kryebashkiakut të Vorës Agim Kajmaku.

Shkak për këtë është bërë mosparaqitja e avokatit mbrojtës të Kajmakut.

Kujtojmë se Agim Kajmaku akuzohet për “falsifikim formularësh”, “falsifikim dokumentash” dhe “kryerje të funksionit pas dhënies fund të tij”.

Prej kohësh ai po gjykohet në mungesë.

Të bashkëpandehura me Kajmakun janë dhe Merita Shytko e Irma Bylyku të akuzuara për “falsifikim dokumentesh” dhe Mirjeta Mema për “shpërdorim të detyrës”.