LIGJET E BIZNESIT
Ministrja e Shëndetësisë dhe Mbrojtjes Sociale, Ogerta Manastirliu, gjatë një komunikimi me publikun ka bërë të ditur aktivitetet që do të hapen me 1 qershor duke zbuluar edhe masat strikte dhe protokollet e qeverisë.
Lehtësime të tjera hyne në fuqi me 1 qershor, duke përfshirë hapjen e kufijve tokësorë të Shqipërisë me shtetet fqinje dhe pa vetkarantinim.
Kjo ishte fundjava e parë ku u hoqën kufizimet e lëvizjes së qytetarëve dhe aktiviteteve të biznesit, por nuk do të lejohet dalja nga perimetri i zonave të kuqe, deri më 1 qershor.
Nga data 1 qershor do jetë e lirë lëvizja e qytetarëve dhe automjeteve në gjithë territorin, do të happen kopshtet dhe çerdhet, një seri aktivitetesh dhe kufinjtë tokësorë, duke hequr karantinimin dy javor të detyruar, por duke e vendosur vetëm në raste specifike.
Ndërkaq, karantina dy javore do mbetet në fuqi për raste të veçanata me urdhër të autoriteteve shëndetësore, sipas kritereve të përcaktuara nga ECDC.
Një nga aktivitetet që do vazhdojë të qëndrojë i mbyllur është transporti publik.
Gjithashtu do qëndrojnë të mbyllura aktivitetet kulturore, kinematë, teatrot, klubet e natës, pishinat, grumbullimet masive, dasmat, konferencat dhe dëgjesat publike.
