Ndodh edhe kjo/ Del pasaporta e imunitetit ndaj COVID19, ja shteti i parë që e aplikon

Nuk ndalen shpikjet e reja në kohën e koronavirusit të ri që tashmë ka pushtuar botën prej 6 muajsh.

Së fundmi një risi është dhe Immunity Pass është ueb-aplikacion dhe aplikacion për celular që mbledh të dhëna për testim nga koronavirusi i ri.

Aplikacioni është bërë nga organizata joqeveritare, me mbështetjen e kompanive fillestare dhe nëpunësve shëndetësor.

Ndërkohë shteti i parë që e nis këtë arritje është Estonia.

Aty ka nisur aplikacioni me pasaporta imunologjike digjitale, që njerëzve u mundësojnë ta shpërndajnë statusin e tyre lidhur me koronavirusin me palën e tretë, siç janë autoritetet apo punëdhënësit.

Programuesit thonë se aplikacioni është në pajtim me rregulloret estoneze dhe ndërkombëtare për privatësi të të dhënave, por pranojnë se ato janë “të vetëdijshëm për probleme të mundshme etike, sociale apo të tjera dhe se kjo zgjidhje mund të mos funksionojë”, në disa vende.

Por nga ana tjetër dhe Organizata Botërore e Shëndetësisë ka bërë një paralajmërim të fortë.

Institucioni i rëndësishëm ka dhënë urdhër që të mos jepen pasaporta të tilla personave të cilët janë rikuperuar nga koronavirusi, sepse nuk ka dëshmi se këto persona janë të mbrojtur nga infektimi i sërishëm.

Ndërkohë priten rezultatet se si ky aplikacion do të funksionojë në mbarë botën.